ក្រុងញូវយ៉ក:
នៅអាស៊ី វាមិនចម្លែកទេដែលទទួលទានផ្លែឈើជាមួយអំបិល។ ផ្លែឈើ ដូចជា ស្វាយ ត្របែក ត្រសក់ស្រូវផ្អែម ឪឡឹក និងល្ហុង ជាដើមត្រូវបានបរិភោគជាមួយអំបិល។
គួរឲ្យចាប់អារម្មណ៍ អំបិលត្រូវបានប្រើទាំងជាមួយផ្លែឈើខ្ចីជាពិសេស ស្វាយ និងត្របែកតែម្ដង។
អំបិលមិនបានបន្ថែមជីវជាតិពេលទទួលទានជាមួយផ្លែឈើឡើយ។ ប៉ុន្ដែអំបិលជាដើមចមបង្កឲ្យកើតជំងឺលើសឈាម។ ការកាត់បន្ថយអំបិលគឺជាផ្នែកមួយនៃរបបអាហារប្រកបដោយសុខភាព។
ចូរចងចាំថា រសជាតិប្រៃនៃអំបិលអាចធ្វើឲ្យញៀន ដោយថ្ងៃនេះចូលចិត្ដប្រៃបន្ដិចបន្ដួច ថ្ងៃស្អែកចូលចិត្ដកាន់តែខ្លាំងបន្ដិចម្ដង។ ប៉ុន្ដែការទទួលទានប្រៃពេកអាចពាក់ព័ន្ធនឹងជំងឺបេះដូង ជំងឺសរសៃឈាមខួរក្បាល និងជំងឺក្រលៀនថែមទៀត។
មនុស្សភាគច្រើនទទួលទានអំបិលច្រើនជាងរាងកាយត្រូវការ។ ដូច្នេះ យកល្អ គួរតែតាមដានពីចំនួនអំបិលដែលខ្លួនប្រើជាប្រចាំ។ ព្យាយាមកាត់បន្ថយការប្រើអំបិលអាចចំណាយពេលយូរ និងចេះបត់បែន។ ផ្លែឈើស្រស់សម្បូរទៅដោយរសជាតិគ្រប់គ្រាន់ហើយ ដែលអាចទទួលទានភ្លាម។ ដូច្នេះ គួរតែផ្លាស់ប្ដូរទម្លាប់មកញ៉ាំតែផ្លែឈើដោយគ្មានវត្ដមានអំបិល។
ការញ៉ាំគ្រឿងម្ជូរចុចអំបិលហាក់ប្រាសចាកពីការណែនាំរបស់អង្គការសុខភាពពិភពលោក ដែលថា មនុស្សពេញវ័យគួរញ៉ាំអំបិលតិចជាង ៥ ក្រាម (ក្រោម ១ ស្លាបព្រាកាហ្វេ) ក្នុងមួយថ្ងៃ។ បរិមាណនេះអាចត្រូវបានកែសម្រួលឲ្យតិចជាងនេះសម្រាប់កុមារអាយុពី ២ ទៅ ១៥ ឆ្នាំអាស្រ័យលើតម្រូវការថាមពលធៀបនឹងមនុស្សធំ៕
No comments:
Post a Comment