ជាធម្មតាស្នាមជ្រួញ បានលេចឡើងជាលទ្ធផល នៃដំណើរការធម្មជាតិក្លាយទៅជាភាពចាស់ ដែលមនុស្សគ្រប់រូបមិនអាចជៀសរួច។ វាកើតឡើងនៅពេល ស្រទាប់កូឡាជែន និងអេឡាស្ទីន ក្នុងជាលិកាភ្ជាប់នៃស្បែក បានក្លាយទៅជាស្ដើង និងត្រូវបានបំបែក។ ស្នាមជ្រួញបានលេចឡើងនៅគ្រប់ទីកន្លែង ប៉ុន្តែយើងអាចមើលឃើញភាគច្រើននៅលើ មុុខ ត្រង់ក ខ្នងដៃ និងកំភួនដៃខាងលើ។
មានកត្តាខាងក្រៅមួយចំនួន ដែលអាចបង្កើនល្បើនក្នុងការឈានទៅរកវ័យចំណាស់ និងនាំឲ្យមានស្នាមជ្រួញមុនអាយុ។ កត្តាទាំងនេះ រួមមាន ការប៉ះជាមួយពន្លឺព្រះអាទិត្យ ឬបរិស្ថានអារក្រក់ ការជក់បារី ការប្រើប្រាស់ថ្នាំមួយចំនួន ការស្ត្រេសហួសប្រមាណ ការសម្រកទម្ងន់លឿនពេក ការបាត់បង់វីតាមីន E និងហ្សែនការជម្រុញចិត្ត។
ក្រែមច្នៃប្រឆាំងនឹងភាពចាស់នេះ មិនត្រឹមតែអាចជួយកាត់បន្ថយស្នាមជ្រួញប៉ុណ្ណោះទេ ប៉ុន្តែវាថែមទាំងបានរារាំង ពីការបង្កើតថ្មីនៃស្នាមជ្រួញបានទៀតផង។ រឿងអស្ចារ្យមួយផ្សេងទៀតអំពីវានោះគឺ វាត្រូវបានបង្កើតឡើងដោយប្រើតែគ្រឿងផ្សំតែ ៤មុខតែប៉ុណ្ណោះ ហើយងាយស្រួលរកបំផុត។
រឿងសំខាន់មួយគឺ វីតាមីន C ដែលមានក្នុងចំណោមឳសថនេះ មានលក្ខណៈសម្បត្តិផ្សេងទៀត អាចជួយជម្រុញការផលិត នៃកូឡាជែន ជាប្រូតេអុីនដែលផ្ដល់ដល់ការបត់បែនទៅនឹងស្បែករបស់អ្នក។ ដោយការផ្ដល់ឲ្យស្បែករបស់អ្នក មានកម្រិតវីតាមីន C គ្រប់គ្រាន់ ក្នុងការបង្កើនការផលិតស្រទាប់កូឡាជែន ដូច្នេះហើយ ទើបវាអាចការពារពីការផលិតកោសិកាស្បែកជួ្រញ យ៉ាងមានប្រសិទ្ធភាពបំផុត។
គ្រឿងផ្សំទាំង ៤មុខនេះ មិនត្រឹមតែជួយសង្គ្រោះអ្នកពីការប្រឆាំងភាពចាស់នោះទេ ប៉ុន្តែវានឹងជួយរឹតបន្ដឹងស្បែកមុខរបស់អ្នក ឲ្យតឹងណែនបានយ៉ាងល្អផងដែរ។
នេះជាអ្វី អ្នកត្រូវការ៖
- ជែលប្រទាលកន្ទុយក្រពើ ១/៤ ពែង
- ម្សៅវីតាមីន C ១ស្លាបព្រាបាយ
- ប្រេងវីតាមីន E ២ស្លាបព្រាបាយ
- ប្រេងដូង ២ស្លាបព្រាបាយ
- លាយគ្រឿងផ្សំទាំងអស់ចូលទៅក្នុងចានមួយ។
- ចាក់ល្បាយនេះ ចូលទៅក្នុងកែវងងឹតមួយ។
- រក្សាវាទុកនៅក្នុងទូរទឹកកក ដើម្បីរក្សាគុណភាពរបស់វា។
- អនុវត្តនៅលើមុខរបស់អ្នក ២ដងក្នុងមួយសប្ដាហ៍៕
No comments:
Post a Comment