អាថ៌កំបាំង ៣យ៉ាងសំខាន់ ដើម្បីរក្សាក្តីសុខក្នុងជីវិតផ្លូវភេទ

ក្នុងជីវិតគូស្វាមីភរិយា មានពេលខ្លះមិនទាមទារអ្វីដែលស្មុគស្មាញខ្លាំងពេកទេ គ្រាន់តែរឿងធម្មតាៗអាចនាំមកនូវក្តីសុខ និងភាពសប្បាយរីករាយខ្លាំងបំផុត។

១. មើលថែខ្លួនឯង

លោកអ្នកគួរតែបង្កើតលក្ខខណ្ឌមើលថែខ្លួនឯង ឲ្យរាងកាយមានសុខភាពល្អ រឹងមាំ និងស្រស់ស្អាត។ វានឹងជួយឲ្យជីវិតផ្លូវភេទរបស់អ្នក កាន់តែមានក្តីសុខខ្លាំងឡើង។ ហើយខាងក្រោមនេះ ជាជំហ៊ានសាមញ្ញៗដែលអាចជួយអ្នកបាន៖

ការធ្វើលំហាត់ប្រាណជួយពង្រឹងសុខភាព លំហូរឈាម។ ហើយក៏ជួយឲ្យអ្នកមានរាងស្អាត ជាពិសេសបុរសៗដែលមានរាងកាយរឹងមាំ កាន់តែក្លាយជាបុរសពិតច្រើនឡើង។
អាហារជំនួយសុខភាពនឹងជួយរក្សាទម្ងន់រាងកាយ ហើយផ្តល់តម្រូវការថាមពលគ្រប់គ្រាន់សម្រាប់សកម្មភាពប្រចាំថ្ងៃ រួមបញ្ចូលទាំងរឿងស្នេហា។
ក្រៅពីពង្រឹងសុខភាពឲ្យបានល្អ គួរធ្វើឲ្យខ្យល់ដកដង្ហើមកាន់តែក្រអូបច្រើនឡើង។
គួរតែប្រឹក្សាជាមួយនឹងវេជ្ជបណ្ឌិត ប្រសិនបើជួបឧបសគ្គក្នុងជីវិតផ្លូវភេទ ដូចជាបញ្ហាអន់ចំណង់ផ្លូវភេទ អសមត្ថភាពផ្លូវភេទ ឆាប់នឹងបាញ់ទឹកកាម ឆ្លងមេរោគតាមរយៈការរួមភេទ។
ទទួលទានថ្នាំតាមវេជ្ជបញ្ជា ការណែនាំពីវេជ្ជបណ្ឌិត។

២. ជាស្វាមីភរិយាត្រូវចេះផ្តល់ឲ្យ និងចេះចែករំលែកគ្នា

ការផ្តល់ឲ្យ ការចេះចែករំលែក ការចេះយល់ពីចិត្តគ្នាជាគន្លឹះនៃសុភមង្គលក្នុងជីវិតអាពាហ៍ពិពាហ៍៖

និយាយជាមួយគ្នា បើទោះបីជាការចាប់ផ្តើមដំបូងធ្វើឲ្យអ្នកទាំងពីរគ្មានក្តីសុខ ប៉ុន្តែទោះបីជាយ៉ាងណាក៏មានផលវិជ្ជមានរបស់វាដែរ។
យើងគួរស្គាល់ពីផលវិជ្ជមាន ផលល្អរបស់គូស្នេហ៍។ ប្រសិនបើកាយវិការស្វាមី(ភរិយា) ការស្ទាបអង្អែល និងថើបថ្នាក់ថ្នមធ្វើឲ្យអ្នកមានក្តីសុខ គួរនិយាយពាក្យថា "អរគុណ”។
ត្រូវស្មោះត្រង់នឹងគ្នា ប្រសិនបើអ្នកមិនសប្បាយចិត្តនឹងអ្វីដែលគេនិយាយ គួរប្រាប់ដល់គេ។
ប្រសិនបើអៀនមិនហ៊ាននិយាយ អ្នកអាចប្រើភាសាកាយវិការ។ វិធីនេះជាការបង្ហាញរបស់អ្នក ដោយមិនចាំបាច់និយាយ។
កុំលាក់គ្នាពីបញ្ហាជំងឺឆ្លងតាមរយៈការរួមភេទ។
កុំលាក់គ្នាពីឧបសគ្គក្នុងជីវិតផ្លូវភេទ ដូចជាបញ្ហាឆាប់បាញ់ទឹកកាម អសមត្ថភាពផ្លូវភេទ ឈឺចាប់នៅពេលរួមភេទ ទឹករំអិលថយចុះ…។

៣. ពេលខ្លះ ជីវិតផ្លូវភេទត្រូវការភាពទាក់ទាញ ស៊ិចស៊ី និងអ្វីដែលថ្មី ហើយប្លែក

សាកស្រមៃថា អ្នកមានស្នេហា អាចផ្លាស់ប្តូរទេសភាព ចៀសវាងការធ្វើរឿងដដែលៗគួរឲ្យធុញទ្រាន់ គួរស្លៀកខោអាវក្នុងដែលស្រស់ស្អាត និងមានភាពទាក់ទាញ៕