ដើម្បីរក្សាចំណងស្នេហាឱ្យបានយូរអង្វែង អ្នកគួរតែអនុវត្តរឿង ៦យ៉ាងនេះមុនពេលចូលគេង

ស្នេហាត្រូវការសកម្មភាព និងពេលវេលាច្រើន យើងជាប់រវល់ខ្លាំងនឹងការងារ ការរៀនសូត្រ និងការទទួលខុសត្រូវផ្សេងៗទៀត ដែលធ្វើឱ្យយើងភ្លេចចំណាយពេលទៅលើសុភមង្គលស្នេហា។ គូស្វាមីភរិយាជាច្រើនបានធ្វើឱ្យខ្លួនឯងបរាជ័យលើរឿងលើគ្រែ ដោយសារភាពងងុយគេង និងមិនចេះយល់ពីចិត្តគ្នា។ ប៉ុន្តែមានរឿងរ៉ាវជាច្រើនអាចជួយបាន។

អនុវត្តរឿងទាំង ៦យ៉ាងនេះជារៀងរាល់យប់មុនពេលចូលគេង ដើម្បីស្ដារយកស្នេហាបរាជ័យមកវិញ៖

ឧបករណ៍អេឡិចត្រូនិច

អ្នកជំនាញផ្នែកចិត្តសាស្ត្រ ២នាក់មកពីសកលវិទ្យាល័យផ្សេងគ្នានៅសហរដ្ឋអាមេរិចបានរកឃើញថា ទូរស័ព្ទស្មាតហ្វូន និងឧបករណ៍បច្ចេកវិទ្យាជាច្រើនផ្សេងទៀតបានកាត់ផ្តាច់ភាពជិតស្និតរវាងគូស្វាមីភរិយា ហើយការស្ទាបស្ទង់បានបង្ហាញថា ស្ត្រីជាង ៧៥%មានអារម្មណ៍ថា ទូរស័ព្ទស្មាតហ្វូនកំពុងតែបំផ្លាញស្នេហាដ៏សំខាន់។ អ្វីដែលសំខាន់គឺគូស្វាមីភរិយាមិនត្រូវប្រើឧបករណ៍ទាំងនេះជារៀងរាល់ថ្ងៃឡើយ។ រាល់យប់អ្នកត្រូវបិទភ្លើង រួចចំណាយពេលស្និតស្នាលនឹងគូស្នេហ៍របស់អ្នក។

ការស្ទាបអង្អែលរាងកាយ

ចំណាយពេលឱបថើបថ្នាក់ថ្នមគូស្នេហ៍របស់អ្នក។ ពេទ្យចិត្តសាស្ត្រជាច្រើនបានឯកភាពថា ការស្ទាបអង្អែលខ្លួនប្រាណជាចំណែកមួយដ៏សំខាន់នៃស្នេហាជោគជ័យ ហើយបញ្ហាជម្លោះច្រើនតែងាយនឹងដោះស្រាយបាន ពេលគូស្វាមីភរិយាឱបថើបថ្នាក់ថ្នមគ្នា។

និយាយគ្នា

នៅក្នុងជីវិតដ៏មមាញឹករបស់មនុស្ស ធ្វើឱ្យគូស្វាមីភរិយាគ្មានឱកាសបាននិយាយគ្នា។ មុនពេលចូលគេងជារៀងរាល់យប់ ចំណាយពេលវេលា ២-៣នាទី ដើម្បីនិយាយគ្នា។ និយាយពីរឿងរ៉ាវផ្សេងៗ និងបង្កើតភាពស្និតស្នាលនឹងគូស្នេហ៍អ្នកក្នុងន័យវិជ្ជមាន។ នេះនឹងអាចជួយឱ្យអ្នកមានភាពស្និតស្នាលនឹងគ្នា និងក្រើនរំលឹកដល់អ្នកថា អ្នកមិនត្រឹមតែស្រឡាញ់គូស្នេហ៍អ្នកប៉ុណ្ណោះទេ ប៉ុន្តែអ្នកក៏ជាមិត្តដ៏ល្អនឹងគូស្នេហ៍ផងដែរ។

ការថើប

ការថើបជាវិធីរក្សាស្នេហាឱ្យនៅរស់រវើក។ នៅពេលសេចក្តីស្នេហាសប្បាយតែនឹងរឿងថ្មី អាថ៌កំបាំង ធ្វើឱ្យយើងតែងតែភ្លេចចំណាយពេលថើបគ្នា។ ជារៀងរាល់យប់មុនពេលគេង ចំណាយពេលថើបគ្នា និងផ្ដោតលើអារម្មណ៍របស់អ្នកពេលបានថើបគ្នា។ ហើយក៏គួរគិតថា អ្វីដែលអ្នកកំពុងព្យាយាមបង្កើតភាពស្និតស្នាលជាមួយនឹងដៃគូគឺការ «ថើប»។ យកចិត្តទុកដាក់ និងផ្ដោតអារម្មណ៍លើគ្នា។

និយាយថា "បងស្រឡាញ់អូន”

ក្នុងពេលវេលាដ៏មមាញឹកនេះ ឃ្លាថា "បងស្រឡាញ់អូន” ច្រើនតែនិយាយតាមទូរស័ព្ទជាជាងការបង្ហាញអារម្មណ៍ពិតចំពោះគ្នា។ មុនពេលចូលគេង សម្លឹងមើលភ្នែកដៃគូរបស់អ្នក រួចនិយាយថា បងស្រឡាញ់អូន ហើយក្នុងពេលអ្នកនិយាយ ត្រូវគិតដល់អ្វីដែលអ្នកកំពុងនិយាយ។ គិតដល់រាល់ហេតុផលទាំងអស់ ដែលធ្វើឱ្យអ្នកស្រឡាញ់មនុស្សនេះ និងគិតដល់ការបង្ហាញឱ្យកាន់តែច្បាស់ឡើងនៅថ្ងៃស្អែក។ ក្តីស្រឡាញ់នៅពេលនេះនឹងធ្វើឱ្យអារម្មណ៍អ្នកមានក្តីសុខ។

បំភ្លេចបញ្ហាចោល

គូរស្វាមី និងភរិយារបស់ខ្ញុំតែងតែជួបនឹងស្ថានភាពតានតឹងពេញមួយថ្ងៃ ធ្វើឱ្យយើងសង្កៀតធ្មេញ និងបន្តដំណើរទៅមុខទៀតដោយមិនខ្វល់ពីបញ្ហា។ ដូច្នេះរៀងរាល់យប់ យើងនិយាយគ្នាពីរឿងមួម៉ៅ ឬលំបាកពេញមួយថ្ងៃ។ យើងតែងតែជួយដោះស្រាយបញ្ហាគ្នា។ នៅពេលយើងបាននិយាយវាចេញអស់ ដូចជាយើងបានយករឿងអវិជ្ជមានចេញអស់ រួចបំភ្លេចវាចោល។ នេះធ្វើឱ្យយើងទាំងពីរចេះសហការ និងចេះជួយគ្នា។ យើងទាំង ២ក៏បានគេងលក់ស្រួល តាំងពីពេលដែលយើងធ្វើបែបនេះ ហើយយើងភ្ញាក់ឡើងដោយគ្មានក្តីបារម្ភ និងកាន់តែមានទំនុកចិត្តច្រើនឡើង។

កុំបណ្តោយឱ្យពេលវេលាដ៏ធុញទ្រាន់របស់អ្នកបំផ្លាញស្នេហាអ្នក។ ចំណាយពេលវេលាជារៀងរាល់យប់ ដើម្បីផ្តល់ភក្តីភាពចំពោះគ្នា។ ប្រើពេលវេលាផ្តល់ក្តីស្រឡាញ់ដល់មនុស្ស ដែលអ្នកនៅក្បែរ។ ទីបំផុតរឿងរ៉ាវទាំងនេះមិនត្រឹមតែធ្វើឱ្យអ្នកមានភាពស្និតស្នាលនឹងគ្នាប៉ុណ្ណោះទេ ហើយវាក៏ជួយពង្រឹងដល់ស្នេហារបស់អ្នក មិនធ្វើឱ្យជីវិតជួបទុក្ខព្រួយ និងការលំបាក៕