ក្រុមអ្នកវិទ្យាសាស្ត្រមកពីសាកលវិទ្យាល័យUniversity of Exeter ចក្រភពអង់គ្លេសបានអះអាងថា ទូរស័ព្ទដៃអាចធ្វើឱ្យប៉ះពាល់ដល់សមត្ថភាពផ្តល់កំណើតរបស់បុរស ។ ពួកគេបន្តថា បណ្តាបុរសដែលចូលចិត្តដាក់ទូរស័ព្ទដៃរបស់ខ្លួនក្នុងហោប៉ៅខោមានឱកាសតិចតួចក្លាយជាឪពុករបស់ក្មេងដ្បិតកាំរស្មីអេឡិចត្រូម៉ាញេទិកបានបន្ថយភាពរស់រានមានជីវិតនិងចលនាហែលរបស់មេជីវិតបុរសរហូតដល់៨ភាគរយ ។
លោកស្រីវេជ្ជបណ្ឌិតFiona Mathews ដែលជាអ្នកដឹកនាំក្រុមស្រាវជ្រាវថ្លែងក្រោយពីបញ្ចប់ការពិសោធលើបុរស១៤៩២នាក់ថា វិទ្យុសកម្មដែលភាយចេញពីទូរស័ព្ទដៃគឺជាហេតុផលចម្បងប៉ះពាល់ដល់មេជីវិតបុរស ប៉ុន្តែថា កាស្រាវជ្រាវបន្ថែមទៀតចាំបាច់ត្រូវធ្វើនៅពេលក្រោយដើម្បីបង្កើតការសន្និដ្ឋានមួយដ៏រឹងមាំ ។ លោកស្រីបានបន្តថា ៖«ការផ្តល់ជូនមាត្រដ្ឋានដ៏ធំសម្បើមនៃចំនួនអ្នកប្រើប្រាស់ទូរស័ព្ទដៃនៅជុំវិញពិភពលោកតួនាទីដ៏មានសក្តានុពលនេះត្រូវការជាចាំបាច់នូវការបញ្ជាក់ឱ្យបានច្បាស់លាស់ ។ ការរកឃើញលើកនេះបានបង្ហាញយ៉ាងច្បាស់ថា ការប៉ះនឹងវិទ្យុសកម្មអេឡិចត្រូម៉ាញេទិកហ្វ្រេកង់វិទ្យុពីទូរស័ព្ទដែលកំពុងស្ថិតក្នុងហោប៉ៅខោ ប៉ះពាល់ជាអវិជ្ជមានទៅលើគុណភាពទឹកកាមបុរស ។ នេះគឺជាបញ្ហាសំខាន់មួយផងដែរសម្រាប់បណ្តាបុរសដែលកំពុងជួបប្រទះបញ្ហាអត់កូន ។ ការស្រាវបន្ថែមទៀតក្នុងបញ្ហានេះចាំបាច់ត្រូវធ្វើដើម្បីរកឱ្យឃើញពីភាពស្មុគស្មាញជូនមនុស្សជំនាន់ក្រោយ »។
ភាគច្រើនបំផុតនៃពលរដ្ឋពេញវ័យក្នុងសម័យបច្ចុប្បន្នមានទូរស័ព្ទដៃប្រើប្រាស់ ហើយគូស្វាមីភរិយាប្រមាណជា១៤ភាគរយនៅតាមបណ្តាប្រទេសអ្នកមានជួបប្រទះបញ្ហាគ្មានកូន ។
ភាគច្រើនបំផុតនៃពលរដ្ឋពេញវ័យក្នុងសម័យបច្ចុប្បន្នមានទូរស័ព្ទដៃប្រើប្រាស់ ហើយគូស្វាមីភរិយាប្រមាណជា១៤ភាគរយនៅតាមបណ្តាប្រទេសអ្នកមានជួបប្រទះបញ្ហាគ្មានកូន ។
គុណភាពទឹកកាមអាចត្រូវបានប៉ះពាល់តាមវិធី៣ផ្សេងៗគ្នាក្នុងនោះមានដូចជា ការបំផ្លាញសមត្ថភាពរស់រានមានជីវិត សមត្ថភាពហែលទៅរកពងនិងកាតបំផ្លាញភាពខាប់របស់បណ្តាកោសិកាផ្តល់កំណើតក្នុងទឹកកាម ។ ទោះជាយ៉ាងណា វេជ្ជបណ្ឌិត Allan Paceyមកសាកលវិទ្យាល័យUniversity of Sheffield មិនទាន់ទទួលយកលទ្ធផលនៃការសិក្សាលើកនេះទាំងស្រុងឡើយ ។ លោកថា លទ្ធផលនេះអាចខុសពីការពិត ប្រសិនជាការពិសោធមិនបានធ្វើលើមនុស្សពិតប្រាកដឬគ្រាន់តែយកទឹកកាមដាក់ក្នុងចានទៅពិសោធជាមួយទូរស័ព្ទ ៕
No comments:
Post a Comment