អាហារមួយចំនួនមានអំណាយផលដល់ការទទួលទាន់ដំណេករបស់អ្នក ជួយឱ្យអ្នកគេងលង់លក់បានស្កប់ស្កល់។ របបអាហារទាំងអស់នោះ មិនត្រឹងតែធ្វើឱ្យអ្នកគេងលក់ស្រួលប៉ុណ្ណោះទេ វាថែមទាំងអាចជួយថែបំប៉នសុខភាពរាងកាយរបស់អ្នកកាន់តែមានភាពល្អប្រសើរទៀតផង។
មាន់អាំង
នេះគឺជាអាហារមួយប្រភេទសម្បូរទៅដោយជាតិអាស៊ីតអាមីណូ tryptophan ដែលជួយជំរុញឱ្យដំណើរការរាងកាយរបស់អ្នកឈប់សម្រាក នៅពេលដែលអ្នកកំពុងតែដេក។ ជាតិអាស៊ីតអាមីណូ tryptophan មានសមត្ថភាពធ្វើឱ្យប្រព័ន្ធសរសៃប្រាសាទ និងខួរក្បាលរបស់អ្នកទទួលបាននូវការសម្រាក ដែលហេតុធ្វើឱ្យអ្នកគេងបានស្កប់ស្កល់។
ចេក
ផ្លែឈើធម្មជាតិមួយប្រភេទនេះ មានផ្ទុកសារធាតុ melatonin និង tryptophan ដែលអាចជួយឱ្យអ្នកធ្លាក់ក្នុងដំណេកបានយ៉ាងងាយ។ សារធាតុ melatonin គឺជាអ័រម៉ូនដែលមានទំនាក់ទំនងដល់ខួរក្បាល នៅពេលដែលរាងកាយរបស់អ្នកកំពុងតែសម្រាក។ លើសពីនេះទៅទៀត ផ្លែចេកអាចជួយបន្ធូរបន្ថយភាពតានតឹង ដែលមាននៅក្នុងអារម្មណ៍របស់អ្នកថែមទៀត។
ទឹកដោះគោ
ទឹកដោះគោជាប្រភពដ៏សម្បូរបែប ដែលជួយឱ្យរាងកាយមានសុខភាពល្អ។ ម្យ៉ាងវិញទៀត ការញ៉ាំមាន់អាំង និងទឹកដោះគោលាយបញ្ចូលគ្នា អាចជួយឱ្យអ្នកបញ្ចេញឧស្ម័នពុលបាន ល្អ និងគេងលក់បានស្រួល។
អង្ករធម្មជាតិ
អង្ករធម្មជាតិពោរពេញទៅដោយជាតិសរសៃ ដែលអាចធ្វើឱ្យអ្នកមានអារម្មណ៍ថាស្រួលខ្លួនមុនពេលចូលគេង។ ការបរិភោគអង្ករធម្មជាតិ រួមជាមួយនឹងទឹកដោះគោ ដែលជាអាហាររូបត្ថម្ភ អាចជួយធ្វើឱ្យអ្នកលង់លក់ក្នុងដំណេកបានយ៉ាងល្អ។
ថ្នាំដែលជួយឱ្យគេងលក់
ប្រសិនបើនៅតែបរាជ័យ អ្នកអាចយកថ្នាំ mineral ដែលអាចជួយបន្ធូរបន្ថយឱ្យអ្នកដេកបានលក់ ដោយគ្មានផលប៉ះពាល់អវិជ្ជមានដល់កំណេកឡើយ៕
No comments:
Post a Comment