ច្រមុះជាផ្នែកមួយដែលលេចធ្លោ និងលយចេញខ្លាំងជាងគេបំផុតនៅលើផ្ទៃមុខ និងគួរឲ្យកត់សម្គាល់ខ្លាំង។ ទម្រង់ច្រមុះក៏អាចបង្ហាញពីនិស្ស័យរបស់មនុស្សយើងបានដែរ។ តើអ្នកជឿទេថា គ្រាន់តែសម្លឹងមើលច្រមុះរបស់អ្នកណាម្នាក់ អ្នកអាចមើលដឹងពីចរិកលក្ខណៈរបស់គេ? ហើយអ្នកក៏គួរដឹងពីប្រភេទច្រមុះរបស់អ្នក និងចរិកលក្ខណៈរបស់អ្នកផងដែរ។
១. ច្រមុះធំ
មនុស្សមានច្រមុះប្រភេទនេះ ច្រើនជាមនុស្សមានអំណាច, ថាមពល, ភាពជាអ្នកដឹកនាំ, អត្មានិយម និងចូលចិត្តធ្វើការងារឯករាជ្យ។ មនុស្សមានច្រមុះប្រភេទនេះ មិនអាចទទួលយកបទបញ្ជា និងការចូលចិត្តថៅកែរបស់ខ្លួនឯងឡើយ។ ពួកគេចូលចិត្តធ្វើការងារធំៗ និងមិនចាប់អារម្មណ៍លើកិច្ចការតូចតាចឡើយ។
២. ច្រមុះតូច
ពួកគេជាមនុស្សសកម្មនឹងការងារជាក្រុម ពួកគេប្រើគំនិតច្នៃប្រឌិត និងការស្រមើស្រមៃ។ ពួកគេជាមនុស្សឆេវឆាវ ហើយពេលខ្លះឆាប់មួម៉ៅ។ ពួកគេស្រឡាញ់ពេញចិត្តនូវអ្វីដែលពួកគេបានធ្វើ ជាមួយនឹងការខិតខំប្រឹងប្រឹង ហើយគ្មានការងារណាដែលថាពួកគេដោះស្រាយបាននោះទេ មិនថាការងារផ្ទាល់ខ្លួន និងការងារជាប្រព័ន្ធ។
៣. ច្រមុះវែង
អ្នកមានច្រមុះវែង ជាមនុស្សមានជំនាញខាងធ្វើមុខជំនួញ, មានមហិច្ចតា, សភាវៈគតិល្អ ហើយជាមនុស្សឯកភាពនឹងការដឹកនាំរបស់អ្នក។ បញ្ហាធំបំផុតរបស់អ្នកតែងតែកើតចេញពីភាពរឹងរូសខ្លាំងពេករបស់អ្នក។
៤. ច្រមុះជនជាតិនូបៀ
អ្នកមានច្រមុះជនជាតិនូបៀតែងតែស្វែងរកវិធីថ្មីៗដើម្បីដោះស្រាយបញ្ហា, ពួកគេជាមនុស្សចង់ដឹងចង់លឺ និងចិត្តទូលាយ។ ពួកគេជាមនុស្សមានភាពទាក់ទាញ, ក្នុងការបង្ហាញពីអារម្មណ៍ផ្ទាល់ខ្លួន។
៥. ច្រមុះខើច
ពួកគេជាមនុស្សសុទិដ្ឋិនិយម, ចិត្តល្អ និងមានចរិកល្អ។ ហើយពួកគេជាមនុស្សមានក្តីស្រឡាញ់, ចេះជួយ និងមានទំនួលខុសត្រូវខ្ពស់៕
៦. ច្រមុះជនជាតិរ៉ូម៉ាំង
គេនិយាយថា មនុស្សនេះក្បាលរឹង និងមានមហិច្ចតាពីកំណើត។ ពួកគេជាអ្នកដឹកនាំអស្ចារ្យ និងមានចរិកលក្ខណៈល្អម្នាក់។ ពួកគេជាមនុស្សអត់ធ្មត់ និងជាមនុស្សមានរបៀបរៀបរយយ៉ាងត្រឹមត្រូវ។
៧. ច្រមុះទឹករលក
ពួកគេជាមនុស្សងាយនឹងស្គាល់មុខ ព្រោះមានដុំពកធំមួយនៅចុងច្រមុះ។ ពួកគេជាមនុស្សចូលចិត្តភាពសប្បាយរីករាយពីកំណើត។
No comments:
Post a Comment