អ្នកវិទ្យាសាស្ត្ររោគសរសៃប្រសាទបានអះអាងថា ស្ត្រីដែលសម្រេចបាននូវកាមតម្រេក(ឈានដល់ចំណុចកំពូល)នឹងទទួលបានភាពល្អប្រសើរខ្លាំងផ្នែកខួរក្បាលជាងការធ្វើលំហាត់ពិបាកៗឬដោះស្រាយលំហាត់បង្កើនប្រាជ្ញា Sodoku ។ សាស្ត្រាចារ្យ Barry Komisarukមកពីសាកលវិទ្យាល័យ Rutgers Universityនៅរដ្ឋញូវជើស៊ី សហរដ្ឋអាមេរិកបានពន្យល់ថា នៅពេលស្ត្រីមានអារម្មណ៍រំភើបខ្លាំងដោយភាពស្រណុក ឬស្រួលក្នុងអារម្មណ៍ សរីរាង្គទាំងអស់ក្នុងខួរក្បាលបានបង្កើនសកម្មភាពកាន់តែខ្លាំងពោលគឺផ្ទុយពី ការដោះស្រាយលំហាត់ដូចជា Crossword puzzleឬ Sudokuដែលជំរុញឱ្យខួរក្បាលមានសកម្មភាពលើផ្នែកដែលពាក់ព័ន្ធជាក់លាក់មិនទូទៅ ។
គួរកត់សម្គាល់ថា នេះជាលើកទី១ផងដែរដែលការសិក្សាផ្នែកវិទ្យាសាស្ត្របានពិនិត្យមើលលើការជាប់ពាក់ព័ន្ធរវាងការឈានដល់ចំណុចកំពូលរបស់ស្ត្រីទៅនឹងសកម្មភាពរិះគិតរបស់ខួរក្បាល ។ លោកសាស្ត្រាចារ្យKomisarukបានថ្លែងបន្តថា៖«នៅដំណាក់កាលឈានដល់ចំណុចកំពូល យើងបានសង្កេតឃើញនូវកំណើនលំហូរឈាមយ៉ាងសម្បើមទៅកាន់ខួរក្បាល ។ ដូច្នេះ តាមជំនឿរបស់ខ្ញុំការឈានដល់ចំណុចកំពូលមិនផ្តល់ផលអាក្រក់នោះទេ ។ ផ្ទុយទៅវិញ វាបាននាំយកអុកស៊ីសែននិងបណ្តាសារធាតុចិញ្ចឹមទាំងអស់ទៅកាន់ខួរក្បាល ។ ពិតណាស់ លំហាត់ប្រាណផ្លូវចិត្តជួយបង្កើនសកម្មភាពខួរក្បាល ប៉ុន្តែបាន១ជ្រុងប៉ុណ្ណោះ ។ ឯការឈានដល់ចំណុចកំពូលវិញ គឺអាចជួយឱ្យខួរក្បាលគ្រប់ផ្នែកទាំងអស់មានសកម្មភាព »។
លោកKomisaruk វ័យ៧២ឆ្នាំបានចាប់ផ្តើមការសិក្សាបែបនេះតាំងពីទសវត្សរ៍ឆ្នាំ១៩៦០មកម្ល៉េះ ប៉ុន្តែឈានចូលដល់ទសវត្សរ៍ឆ្នាំ១៩៨០ ទើបលោកចាប់ផ្តើមពិសោធដោយផ្ទាល់លើស្ត្រី ។ ទោះជាចំណាយពេលយូរអង្វែងយ៉ាងនេះក្តី ប៉ុន្តែលោកសាស្ត្រាចារ្យបញ្ជាក់ថា នៅមានកត្តាច្រើនយ៉ាងទៀតដែលត្រូវសិក្សាបន្ត ។ លោកបានបញ្ជាក់ថា ៖«យើងមិនបានពិនិត្យផ្នែកផ្សេងទៀត ក្រៅតែពីការរំភើបរីករាយនោះទេ ។ វាពិតជាសំខាន់ដែលត្រូវស្វែងយល់ពីវិធីដែលខួរក្បាលបង្កើតនូវភាពស្រណុកស្រួល ។ តើផ្នែកណាមួយដែលជាអ្នកបង្កើតភាពស្រណុកនេះ0x017d7» ៕
No comments:
Post a Comment