មានស្ត្រីភាពច្រើនដែលចង់ទទួលបានសុដន់ធំដ៏ត្រលុកត្រលន់តាមបែបធម្មជាតិ ប៉ុន្តែការប៉ងប្រាថ្នានេះមិនបានដូចបំណងគ្រប់គ្នានោះទេ។ មានមនុស្សស្រីមួយចំនួនដោយសារតែចង់បានដើមទ្រូងស្រស់ផូរផង់ ក៏ទៅរកសេវាកែប្រែសម្ជស្ស ព្រោះវាជាវិធីតែមួយគត់ដែលធ្វើឲ្យដើមទ្រូងពួកគេឆាប់ទទួលបាន លទ្ធផលដូចបំណង។ ផ្ទុយទៅវិញ ការធ្វើបែបនេះមិនបានស្ថិតស្ថេរយូរអង្វែងនោះទេ គឺមានតែវិធីតាមបែបធម្មជាតិប៉ុណ្ណោះ ដែលអាចធ្វើឲ្យអ្នកក្លាយជាម្ចាស់ដើមទ្រូងធំទ្រលក់ទ្រលន់ពិតប្រាដកមិនក្លែងក្លាយ។
១. ការម៉ាស្សា
យកដៃរបស់អ្នកអង្អែលសុដន់ថ្នមៗរហូតដល់ឡើងកំដៅ បន្ទាប់មកឈ្លីថ្នមៗជុំវិញសុដន់ទាំងមូលចាប់ពីផ្នែកខាងក្រោមឡើង ទៅដល់ខាងលើ។ សម្ពាធនៃម្រាមដៃរបស់អ្នកនៅក្នុងការឈ្លីត្រូវធ្វើដោយស្រាលៗ ហើយយឺតៗ ទើបមានប្រសិទ្ធិភាពខ្ពស់។ ប្រសិនបើអ្នកធ្វើការម៉ាស្សាពេញទ្រូងត្រូវធ្វើបញ្ជ្រាសមកវិញ គឺពីឆ្វេងទៅខាងស្តាំ ក្នុងរយៈពេលប្រហែលជា ១៥ នាទី ទើបកំដៅសីតុណ្ហភាពនៃការម៉ាស្សាឡើងល្មម។ ត្រូវប្រាកដថាកុំបង្ខំ ហើយក៏កុំប្រើទម្ងន់ដៃខ្លាំងពេកដែរ។
២. ការធ្វើលំហាត់ប្រាណ
ការធ្វើលំហាត់ប្រាណដើម្បី រក្សានូវទម្ងន់មានប្រសិទ្ធភាពខ្ពស់ក្នុងការបង្កើននូវទំហំដើម ទ្រូងរបស់អ្នក។ ដើម្បីទទួលបានដើមទ្រូងតឹងណែន អ្នកត្រូវតម្រេទខ្លួនទៅលើសាឡុង ហើយដៃទាំងពីរកាន់ដុំដែកមានទម្ងន់ ១ ទៅ ២ គីឡូក្រាមម្ខាងមួយ ព្រោះទម្ងន់ប៉ុណ្នឹងសមជាមួយនឹងមនុស្សស្រី។ ដៃទាំងពីរត្រូវលើកខ្វែងគ្នាមកផ្អិបនឹងដើមទ្រូង រួចហើយពន្លាត្រឡប់ទៅទីតាំងដើមវិញ។ ត្រូវធ្វើបែបនេះចាប់ពី ៨ ទៅ ១៦ ដង។
៣. របរអាហារ
ប្រហែលជាអ្នកមិនទាន់ដឹងថា ការកម្រិតរបបអាហារជាក់លាក់អាចធ្វើឲ្យមានការផ្លាស់ប្តូរទំហំសុដន់នោះទេ។ សាច់មាន់ គ្រាប់ធញ្ញជាតិ សណ្តែកសៀង ផ្លែឈើ បន្លែ ប្រេងអូលីវ ...។ល។ អាចជួយជម្រុញឲ្យសុដនរបស់មនុស្សស្រីមានការលូតលាស់តាមបែបធម្មជាតិទ្វេរដង។ ប៉ុន្តែត្រូវជៀសឲ្យឆ្ងាយពីគ្រឿងស្រវឹង និងថ្នាំជក់៕
No comments:
Post a Comment