មនុស្សមួយចំនួនធំយល់ថា ស្ត្រីដែលកើតមានជំងឺទឹកនោមផ្អែមគឺមិនអាចមានផ្ទៃពោះបានទេ ប៉ុន្តែតាមក្បួនពេទ្យអ្នកជំងឺអាចមានផ្ទៃពោះបានធម្មតា សំខាន់គឺក្នុងកំឡុងពេលមានផ្ទៃពោះ បើសិនជាមិនបានគ្រប់គ្រងជាតិស្ករឲ្យបានល្អ វាអាចនឹងបណ្តាលឲ្យកើតមានគ្រោះថ្នាក់ចំពោះម្តាយនិងទារក ដែលគ្រោះថ្នាក់ទាំងនេះមានដូចជា ៖
-ផលប៉ះពាល់ចំពោះមាតាៈ អាចមានជាតិស្ករក្នុងឈាមទាបពេកឬខ្ពស់ពេកជាតិ អាស៊ីតស្ទះក្នុងសរសៃឈាមបណ្តាលមកពីកេតូអាស៊ីតធ្វើឲ្យខូចប្រព័ន្ធសរសៃឈាមភ្នែក តម្រងនោម លើសឈាម ងាយឆ្លងមេរោគ ជាពិសេសប៉ះពាល់ប្រព័ន្ធបញ្ចេញមូត្រ ។
-ផលប៉ះពាល់ចំពោះទារកៈ អាចធ្វើឲ្យទារកក្នុងផ្ទៃរីកធំជាងប្រក្រតី ពិបាកសម្រាល អាចមានគ្រោះថ្នាក់នៅពេលសម្រាល រលូតកូន កើតមុនកំណត់ ស្លាប់ក្នុងពោះ ជាតិស្ករក្នុងឈាមចុះទាប កាល់ស្យូមទាប ឡើងពណ៌លឿងលើខ្លួនប្រាណ គាំងបេះដូង និងអាចពិការពីកំណើតជាដើម ។
ប៉ុន្តែបញ្ហាទាំងនេះអាចគ្រប់គ្រងឬកាត់បន្ថយបានស្ទើរតែស្មើនឹងស្ត្រីមានផ្ទៃពោះធម្មតា ប្រសិនបើអ្នកជំងឺទទួលបានការថែទាំយ៉ាងល្អ និងត្រឹមត្រូវតាមក្បួនខ្នាត រក្សាកម្រិតជាតិស្ករក្នុងឈាមឲ្យប្រហាក់ប្រហែលមនុស្សដែលគ្មានជំងឺ តាំងពីមុនពេលមានគភ៌និងកំឡុងពេលពពោះ ។
ទោះបីជាអ្នកជំងឺទឹកនោមផ្អែមអាចមានគភ៌បាន តែក៏នៅមានស្ត្រីមួយក្រុមផ្សេងទៀត ត្រូវគ្រូពេទ្យហាមមិនអនុញ្ញាតឲ្យមានកូនដូចជា ៖
-បេះដូងខ្វះឈាមទៅចិញ្ចឹមសព៌ាង្គកាយ មានបញ្ហាភ្នែកយ៉ាងធ្ងន់ធ្ងរ ។
-គាំងតម្រងនោម
-សម្ពាធឈាមឡើងខ្ពស់
-របួសពោះ ក្អួតចង្អោរ ឬរាករូសធ្ងន់ធ្ងរ
-បេះដូងខ្វះឈាមទៅចិញ្ចឹមសព៌ាង្គកាយ មានបញ្ហាភ្នែកយ៉ាងធ្ងន់ធ្ងរ ។
-គាំងតម្រងនោម
-សម្ពាធឈាមឡើងខ្ពស់
-របួសពោះ ក្អួតចង្អោរ ឬរាករូសធ្ងន់ធ្ងរ
ដូច្នេះសម្រាប់ស្ត្រីគ្រប់រូបដែលមានជំងឺទឹកនោមផ្អែម មុននឹងសម្រេចចិត្តមានផ្ទៃពោះត្រូវតែទៅពិភាក្សាជាមួយគ្រូពេទ្យឯកទេសជាមុនសិន ហើយអ្វីដែលសំខាន់ជាងនេះទៅទៀត ស្ត្រីដែលឪពុកម្តាយធ្លាប់កើតមានជំងឺទឹកនោមផ្អែមត្រូវតែទៅធ្វើតេស្តពិនិត្យរកមើលជំងឺទឹកនោមផ្អែម ដើម្បីការពារការកើតមានបញ្ហាដែលមិនអាចស្មានដល់ ៕
No comments:
Post a Comment